ممبئی(مانیٹرنگ ڈیسک)بھارت کے شہراحمدآبادمیں ایک خاتون اپنی سہیلیوں کے ہمراہ گزشتہ 34سال سے رمضان المبارک کے روزے رکھ رہی ہے ۔میڈیارپورٹس کے مطابق احمدآبادکی رہائشی 85سالہ خاتون پوریبن لیووااپنی دیگرمسلمان سہیلیوں کے ہمراہ گزشتہ 34سال سے روزے رکھ رہی ہے ۔اس نے بتایاکہ اس نے احمد آباد میں ایک بزرگ کے مزار پر اس نے اپنا کام ہونے کی صورت میں روزے رکھنے کی ٹھانی تھی اور جب اس کے شوہر کا انتقال ہوا تو وہ اور اس کی بیٹی اسی شہر میں کسی اور جگہ منتقل ہوگئے،
تب بھی وہ روزے نہیں چھوڑتی تھی۔ پوریبن لیووا نے بتایا کہ اس کا اپنے بہنوئی کے ساتھ جائیداد کا تنازعہ تھا اور اس نے 1982ءمیں ایک بزرگ کے مزار پر دعا کی کہ اگر وہ مقدمہ جیت گئی تو روزے رکھا کرے گی اور قدرت کا کرنا ایسا ہوا کہ وہ مقدمہ جیت گئی۔ا پوریبن لیووا نے مزیدبتایا کہ اس کے ہمسائے مسلمان تھے اور 1969ءمیں ہنگاموں کے دوران انہوں نے اس کا بہت خیال رکھا اور اسے مسلمانوں سے انسیت ہوگئی۔انہوں نے بتایاکہ میں نے کبھی اپنے بچوں کومسلمانوں کے مذہبی تہواروں میں جانے سے نہیں روکابلکہ خود بھی جاتی ہوں اوراس سے مجھے دلی سکون ملتاہے کیونکہ مسلمانوں نے مجھے زندگی بھربہت ہی عزت دی ہے ۔
