ریاض (نیوزڈیسک) تصور کریں کہ آپ سڑک سے گزر رہے ہو اور اچانک اوپر سے شیشے کی بہت بڑا چادر آپ کے پیروں میں آگرے تو کیا حال ہوگا؟ یقیناً کانپ کر رہ جائیں گے۔تو ایسا ہی دلچسپ یا حیرت انگیز واقعہ سعودی عرب میں پیش آیا جہاں ایک شخص کرشماتی طور پر شیشے کی چادر سے ٹکرا کر مرنے سے بال بال بچ گیا۔کسی نامعلوم سعودی شہر کی یوٹیوب پر دھوم مچانے والی سی سی ٹی وی فوٹیج میں دکھایا گیا ہے کہ یہ شخص پیدل جارہا ہوتا ہے کہ اچانک روک کر اپنے جوتے سے چپک جانے والی کسی چیز کو پھینکنے کے رک جاتا ہے۔اور چند لمحات کا روکنا اس کی زندگی بچانے کا سبب بن جاتا ہے کیونکہ کچھ سیکنڈ بعد شیشے کی ایک چادر اوپر سے سیدھی زمین پر پیروں کے پاس آگرتی ہے۔جب یہ چادر زمین پر گر رہی تھی تو یہ شخص اس سے مکمل طور پر ناواقف تھا اور وہ اپنی ہی دھن میں چلتا چلا جارہا تھا کہ شیشہ اس کے پہلو سے ہوتا ہوا پیروں کے پاس گرگیا۔اس واقعے کے بعد تو اسے کچھ سمجھ ہی نہیں آیا کہ یہ کیا ہوا ہے اور وہ واپس مڑ کر چلا گیا۔ویڈیو سے یہ معلوم نہیں ہوسکا کہ شیشہ زمین پر گرا کیسے، کیا مزدور اوپر کام کررہے تھے یا وہ کھڑکی کے فریم میں صحیح نصب نہ ہونے کی وجہ سے نیچے گرا۔