احمد آباد(نیوز ڈیسک )بھارتی ریاست گجرات میں بیٹی کو مگر مچھ سے بچانے کیلئے ماں نے اپنی جان داو¿ پر لگادی۔بھارتی میڈیا کے مطابق ریاست گجرات کے ضلع وڑودرا کے گاو¿ں زکریا مبارک کی رہائشی 19 سالہ کانتا دریا میں کپڑے دھو رہی تھی کہ ایک مگر مچھ اسے پاو¿ں سے دبوچ کر دریا میں کھینچ کر لے جانے لگا۔ کانتا کی چیخ و پکار سن کر قریب ہی موجود اس کی ماں دیوالی وانکر مدد کو آن پہنچی اور کپڑے دھونے کے لئے استعمال ہونے والے ڈنڈے کے ذریعے اپنی بیٹی کی جان بچانے کے لئے مگر مچھ پر پل پڑی، کافی دیر کی جدو جہد کے بعد مگر مچھ کو ماں کی مامتا کے آگے پسپا ہونا پڑا اور اس نے اپنے شکار کو چھوڑ کر بھاگ نکلنے میں ہی عافیت جانی۔ کانتا کو فوری طور پر مقامی اسپتال لے جایا گیا جہاں اس کا علاج جاری ہے۔محکمہ جنگلات اور جنگلی حیات کے مقامی افسر اشوک پانڈیا کے مطابق دریا میں 260 مگرمچھ موجود ہیں جو کسی بھی وقت لوگوں کے لئے خطرہ بن سکتے ہیں اور اس سلسلے میں عوام کو دریا سے دور رہنے کی ہدایات بھی کی گئی ہیں لیکن اس کے باوجود لوگ باز نہیں آتے۔