برمنگھم(نیوز ڈیسک)نوعمر لڑکے لا ابالی طبیعت اور غیر ذمے دارانہ رویے کی وجہ سے خاصی بری شہرت رکھتے ہیں لیکن والدین کے لیے بنائی گئی ویب سائٹ پر نوعمر لڑکوں کی ماو¿ں نے جو انکشافات کیے ہیں انھوں نے عام پائے جانے والے خیالات کو واقعی سچ ثابت کردیا ہے۔ویب سائٹ پر یوزر نیم استعمال کرنے والی خاتون نے انکشاف کیا کہ گزشتہ ہفتے جب ان کا 13 سالہ بیٹا ایک دن کے لیے گھر سے باہر گیا ہوا تھا تو انھوں نے اس کے کمرے کی صفائی کا فیصلہ کیا۔ خاتون کہتی ہیں کہ ان کے بیٹے کے کمرے سے جو اشیاءبرآمد ہوئیں انھیں دیکھ کر وہ حیران و پریشان رہ گئیں۔ بیڈ کے نیچے سے گندے کپڑوں کا ڈھیر برآمد ہوا اور اس کے علاوہ جوس کی دو خالی بوتلیں، ملک شیک اور سوڈے کا خالی ڈبہ، چپس کے چھ خالی ریپر، مالٹے کے چھلکوں کا ڈھیر، ٹافیوں کے ڈھیروں ریپر، کچھ پاپ کارن، پلاسٹک کے دو کپ اور پیشاب سے بھری ہوئی پلاسٹک کی ایک بوتل بھی برآمد ہوئی۔خاتون نے لکھا کہ وہ اپنے بیٹے کے گھر واپس آنے کا انتظار کررہی ہیں تاکہ اس سے کچھ تفتیش کرسکیں۔ اس خاتون کے انکشافات کے بعد دیگر ماو¿ں نے بھی اپنے نوعمر لڑکوں کی حرکتوں سے پردہ اٹھانا شروع کردیا۔ ایک خاتون نے بتایا کہ ان کے 8 سالہ بیٹے کے تکیے کے نیچے سے چار کتابیں، کچھ سکے، ایک میڈل اور پیٹنگ بنانے والے رنگ برآمد ہوئے۔