لاہور( این این آئی)صوبائی دارالحکومت لاہور میں کے سیوریج کے تمام اہم مقامات سے لیے گئے نمونوں میں پولیو وائرس کی تصدیق ہو گئی ۔
ذرائع کے مطابق آئوٹ فال روڈ، گلشن راوی ڈسپوزل اسٹیشن، ملتان روڈ اور محمود بوٹی ڈسپوزل اسٹیشن سے حاصل کیے گئے سیوریج نمونوں میں پولیو وائرس پایا گیا ہے۔قومی ادارہ صحت نے ان نمونوں میں پولیو وائرس کی باقاعدہ تصدیق کر دی ہے۔ یہ نمونے مارچ میں تجزیے کیلئے ادارے کو بھجوائے گئے تھے۔رپورٹس کے مطابق شہر میں پولیو کے خاتمے کیلئے کیے گئے اقدامات موثر ثابت نہیں ہو سکے جبکہ بار بار چلائی جانے والی مہمات بھی مطلوبہ نتائج نہیں دے سکیں۔
