واشنگٹن (این این آئی)امریکی فوڈ اینڈ ڈرگ ایڈمنسٹریشن (ایف ڈی اے)کے ایک خفیہ اندرونی میمو میں انکشاف کیا گیا ہے کہ کم از کم 10 بچے کووِڈ 19 ویکسی نیشن کے باعث ہلاک ہوئے، جن میں ممکنہ وجہ دل کی سوجن بتائی گئی ہے۔ یہ دعوی امریکی میڈیانے اپنی رپورٹ میں کیا ۔

رپورٹ کے مطابق یہ میمو ایف ڈی اے کے چیف میڈیکل اور سائنسی افسر وِنے پرساد نے تیار کیا، جس میں بچوں کی عمریں، پس منظر یا ویکسین بنانے والی کمپنیوں کے نام ظاہر نہیں کیے گئے۔ میمو میں اسے انتہائی تشویشناک اور گہرا انکشاف قرار دیا گیا ہے۔امریکی محکمہ صحت جس کے تحت ایف ڈی اے کام کرتی ہے، نے اس بارے میں رائٹرز کی درخواست پر کوئی فوری ردِعمل نہیں دیا۔