اسلام آباد (مانیٹرنگ ڈیسک )سی ٹی سکین کنٹراسٹ انجکشن کی عدم دستیابی کے باعث انجکشن یوروگرافن بلیک میں 12 ہزار روپے تک فروخت ہونے لگا جبکہ انجکشن یورگرافن کی اصل قیمت چند سو روپے ہے۔ٹوئنٹی فور نیوز کے مطابق انجکشن الٹراوسٹ بھی مارکیٹ میں ناپید ہوگیا۔ کنٹراسٹ انجکشن کی عدم دستیابی سے سی ٹی سکین ٹیسٹ کرنے میں دشواری کا سامناہے۔ غریب مریض کنٹراسٹ انجکشن بلیک میں مہنگے داموں میں خریدنے سے قاصر ہوگئے۔ مریضوں نے حکومت سے بلیک میں ادویات کی فروخت کا نوٹس لینے کی اپیل کر دی۔واضح رہے کہ محکمہ صحت نے بلیک میں انجکشنز کی فروخت پر چپ سادھ لی ہے۔ ڈرگ ریگولیٹری اتھارٹی بھی کنٹراسٹ انجکشن کی قلت دور کرنے میں تاحال ناکام ہے۔