ایبٹ آباد (این این آئی)ایبٹ آباد کے نجی ہسپتال میں ڈاکٹر کی غفلت کا عجیب واقعہ پیش آیا، جہاں 80 سالہ خاتون کو بازو کے آپریشن کیلے ہسپتال میں داخل کرایا گیا تاہم ڈاکٹر نے بازو کی بجائے آنکھ کا آپریشن کرکے سب کو حیران کردیا۔اہلخانہ کے مطابق خاتون کی آنکھ بالکل ٹھیک تھی تاہم ہسپتال عملے کی غفلت کی وجہ سے مریضہ کو تکلیف برداشت کرنا پڑی۔

متاثرہ خاتون کے بیٹے کے مطابق میں نے والدہ کو بازو کے آپریشن کیلئے اسپتال میں ایڈمٹ کرایا تھا، ڈاکٹر نے آپریشن کے بعد کہا کہ مبارک ہو آپ کی والدہ کی آنکھوں کا آپریشن کامیاب ہوگیا۔ڈسٹرکٹ ہیلتھ آفیسر نے فوری طور پر ایکشن لیتے ہوئے ذمہ داروں کیخلاف کارروائی کا آغاز کردیا۔ ڈی ایچ او کی جانب سے واقعہ کی انکوائری کیلئے 3 رکنی کمیٹی بنادی گئی، جو ایک ہفتے میں رپورٹ پیش کرے گی۔