لاہور (این این آئی،مانیٹرنگ ڈیسک) یوحناآباد میں 25 سالہ لڑکی کی پر اسرار موت، ورثا ء نے الزام لگایا ہے کہ25 سالہ لڑکی کو زیادتی کے بعدقتل کیا گیا۔ تفصیلات کے مطابق پولیس نے ابتدائی تفتیش میں بتایا کہ مقتولہ کی اعجاز مسیح نامی شخص

کے ساتھ منگنی ہوئی تھی۔مقتولہ جنرل ہسپتال اسقاط حمل کیلئے گئی تھی لیکن چل بسی۔ لڑکی کی لاش کو پوسٹ مارٹم کیلئے مردہ خانے منتقل کردیا۔ پولیس کاکہنا ہے کہ واقعہ کی تحقیقات کی جا رہی ہیں،جلد حقائق سامنے آ جائیں گے۔لڑکی کے ورثا ء نے الزام لگایا ہے کہ25 سالہ لڑکی کو زیادتی کے بعدقتل کیا گیا۔ورثا نے اپنے پڑوسی اعجاز کیخلاف قتل کا مقدمہ درج کروا دیا ۔پولیس نے ملزم اعجاز کوحراست میں لے لیا۔لڑکی کے والد کا کہنا تھا کہ اعجاز میری بیٹی کو ورغلا کر ساتھ لے گیا،بیٹی کی موت ہونے پر ملزم نے حادثے کا ڈرامہ رچایا۔یاد رہے کہ چند روز قبل بھی لاہور میں ایک ایسا ہی واقعہ پیش آیا تھا جہاں ایک نوجوان نجی ٹیچنگ ہسپتال میں لڑکی کو مردہ حالت میں چھوڑنے کے بعد فرار ہو گیا تھا ۔تحقیقات میں لڑکی کے حاملہ ہونے کا انکشاف ہوا تھا۔اس کیس میں ایک ملزم کو گرفتار کیا گیا تھا جو لڑکی کی لاش کو ہسپتال چھوڑ کر بھاگ گیا تھا۔