جمعرات‬‮ ، 10 جولائی‬‮ 2025 

ڈاکٹرز نے 20 سالہ لڑکی کا آپریشن ادھورا چھوڑ دیا، لڑکی کی طبیعت تشویشناک قرار،آپریشن کے دوران آنیوالی رپورٹ پر ڈاکٹرز کا افسوسناک ردعمل

datetime 2  دسمبر‬‮  2020
ہمارا واٹس ایپ چینل جوائن کریں

کراچی(این این آئی)ڈاؤ اسپتال اوجھا کیمپس میں زیر علاج مریضہ کی دوران آپریشن کورونا رپورٹ مثبت آنے پر ڈاکٹرز نے آپریشن ادھورا روک دیا، شہری نے ویڈیو بنا کر وائرل کرتے ہوئے حکام سے نوٹس کی درخواست کردی۔ذرائع کے مطابق ڈاؤ اسپتال اوجھا کمپلیکس کے چیسٹ ڈپارٹمنٹ میں زیر علاج مریضہ 20 سالہ مدیحہ کا کورونا وائرس کا ٹیسٹ مثبت آنے پر آپریشن ادھورا

روک دیا گیا اور واپس وارڈ میں منتقل کردیا گیا جس پر شہری نے ویڈیو بناکر سوشل میڈیا پر وائرل کردی، ویڈیو میں مریضہ اور اس کے اہل خانہ موجود ہیں۔شہری کا ویڈیو بناتے ہوئے کہاکہ ڈاؤ میڈیکل کیمپس کے چیسٹ ڈیزیز ڈپارٹمنٹ میں زیر علاج 20 سالہ مدیحہ کا آپریشن ادھورا چھوڑا دیا گیا، مریضہ کو 23 نومبر کو اسپتال میں داخل کیا گیا، 26 نومبر کی آپریشن کی تاریخ دی گئی، 24 نومبر کو کووڈ ٹیسٹ ہوا جبکہ کورونا کی کوئی علامات مریضہ میں نہیں تھیں، فیملی میں بھی کسی کو کووڈ نہیں تھا، 26 نومبر کو آپریشن کے لیے او ٹی میں لے کر گئے جہاں اینیستھیسیا دیا گیا اور آپریشن شروع کردیا گیا تھا اور کٹ بھی لگا دیا گیا تھا۔شہری کے مطابق دوران آپریشن کووڈ رپورٹ آئی جس میں کورونا مثبت آیا، رپورٹ مثبت آنے کے بعد سرجن نے آپریشن ادھورا روک کر واپس ٹانکے لگا دیئے، وزیر اعلی سندھ، گورنر سندھ اور وزیر صحت سندھ اس معاملے کا نوٹس لیں، اس بچی کی جان بچائی جائے بچی کی طبیعت تشویشناک ہے۔دوسری جانب اسپتال انتظامیہ کا موقف بھی سامنے آیا ہے۔ اوجھا انسٹی ٹیوٹ آف چیسٹ ڈیزیز کے سرجن ڈاکٹر نیاز حسین نے آڈیو بیان میں کہاکہ مریضہ کو آپریشن سے قبل کووڈ علامات نہیں تھیں، ہمارے یہاں تمام مریضوں کے روٹین کووڈ ٹیسٹ ہوتے ہیں، جب مریضہ آپریشن تھیٹر میں لائی گئی کووڈ رپورٹ نہیں آئی تھی، جیسے ہی آپریشن کے لیے جلد میں کٹ لگایا اسی دوران

رپورٹ موصول ہوئی، کووڈ مثبت آنے پر آپریشن ملتوی کردیا گیا۔انہوں نے کہا کہ مدیحہ کے پھیپھڑوں کا آپریشن ہونا تھا چونکہ کووڈ کے اثرات پھیپڑوں پر ہوتے ہیں اس لیے آپریشن کرنا خطرناک تھا، یہ آپریشن جان لیوا ثابت ہوسکتا تھا اس لیے کھال میں لگائے گئے کٹ کو فوری بند کردیا گیا، مریضہ کے

مرض کی نوعیت ایسی ہے جس کا بعد میں بھی آپریشن کیا جاسکتا ہے، چار سے چھ ہفتے بعد مریضہ کا دوبارہ معائنہ کرکے آپریشن کریں گے۔انہوں نے کہا کہ اس حوالے سے اہل خانہ کو آگاہ کردیا ہے، مریضہ کی حالت بالکل ٹھیک ہے اور مریضہ بغیر آکسیجن کے نارمل وارڈ میں زیر علاج ہے۔

آج کی سب سے زیادہ پڑھی جانے والی خبریں


کالم



کان پکڑ لیں


ڈاکٹر عبدالقدیر سے میری آخری ملاقات فلائیٹ میں…

ساڑھے چار سیکنڈ

نیاز احمد کی عمر صرف 36 برس تھی‘ اردو کے استاد…

وائے می ناٹ(پارٹ ٹو)

دنیا میں اوسط عمر میں اضافہ ہو چکا ہے‘ ہمیں اب…

وائے می ناٹ

میرا پہلا تاثر حیرت تھی بلکہ رکیے میں صدمے میں…

حکمت کی واپسی

بیسویں صدی تک گھوڑے قوموں‘ معاشروں اور قبیلوں…

سٹوری آف لائف

یہ پیٹر کی کہانی ہے‘ مشرقی یورپ کے پیٹر کی کہانی۔…

ٹیسٹنگ گرائونڈ

چنگیز خان اس تکنیک کا موجد تھا‘ وہ اسے سلامی…

کرپٹوکرنسی

وہ امیر آدمی تھا بلکہ بہت ہی امیر آدمی تھا‘ اللہ…

کنفیوژن

وراثت میں اسے پانچ لاکھ 18 ہزار چارسو طلائی سکے…

دیوار چین سے

میں دیوار چین پر دوسری مرتبہ آیا‘ 2006ء میں پہلی…

شیان میں آخری دن

شیان کی فصیل (سٹی وال) عالمی ورثے میں شامل نہیں…