اسلام آباد (این این آئی)وفاقی وزیر برائے سائنس و ٹیکنالوجی فواد چوہدی نے کہا ہے کہ پاکستان نے وبائی بیماری کورونا سے نمٹنے کیلئے درکار 76 فیصد میڈیکل آلات خود تیار کر لیے ہیں۔پاکستان تحریک انصاف کے رہنما فواد چوہدی نے اپنے ایک بیان میں کہا کہ کورونا وائرس سے بچنے کے لیے حفاظتی سامان کی تیاری پاکستان میں جاری ہے، سامان میں وینٹی لیٹرز، ٹیسٹنگ کٹس، تھرمل اسکینر شامل ہیں۔

فواد چوہدی نے کہا کہ سامان میں تھرمل گنز، سینیٹائزرز، عینکیں، گلوز، گاؤن بھی شامل ہیں۔انہوں نے کہا کہ حفاظتی سامان کا (آج) جمعرات کو وزیراعظم عمران خان جائزہ لیں گے،وزیر اعظم عمران خان کو حفاظتی سامان پر بریفنگ بھی دی جائے گی۔فواد چوہدی نے کہا کہ وینٹی لیٹرز اور ٹیسٹنگ کٹس کی ڈریپ سے لائسنسنگ کے بعد میڈیکل آلات ایکسپورٹ کیے جائیں گے۔

موضوعات:کرونا وائرس کیخلاف جنگ میں پاکستان نے بڑی کامیابی حاصل کر لی