کوئٹہ (این این آئی) کوئٹہ شہر میں قائم 66لیبارٹریوں کے غیر قانونی طور پر بغیر پیتھالوجسٹ کے کام کرنے کا انکشاف محکمہ صحت نے تین دن کے اندر پیتھالوجسٹ تعینات کرنے کی مہلت دے دی، محکمہ صحت ذرائع کے مطابق کوئٹہ شہر میں 66ایسی لیبارٹریاں قائم ہیں

جہاں پر پیتھالوجسٹ کے بغیر لوگوں کے ٹیسٹ کئے جارہے ہیں، شہر کے وسط میں قائم نجی ہسپتالوں اور دکانوں میں قائم لیبارٹریوں میں بڑی تعداد میں غیر پیشہ ور عملہ لوگوں کے ٹیسٹ کررہے ہیں جن سے ڈاکٹر مختلف امراض کی تشخیص کرتے ہیں،ذرائع نے بتایا کہ شہر کے وسط میں قائم سلیم میڈیکل کمپلکس میں 11،جناح روڈ پر 10،سیٹلائٹ ٹاؤن میں 6،پشتون آباد میں 4،نواں کلی،علمدار روڈ، پٹیل روڈ، اور سریاب روڈ پر تین، تین،زرغون روڈ، الگیلانی روڈ، طوغی روڈ، خروٹ آبادمیں دو،دو،آرچر روڈ،مسجد روڈ، عالمو چوک، یٹ روڈ، عدالت روڈ پر ایک ایک جبکہ شہر کے دیگر علاقوں میں 10ایسی لیبارٹریاں قائم ہیں جہاں پر بغیر پیتھالوجسٹ کے ٹیسٹ کئے جارہے ہیں محکمہ صحت کی جانب سے لیبارٹر ی قائم کرنے کے لئے پیتھالوجسٹ کی تعیناتی لازمی ہے جسکی خلاف ورزی سنگین جرم ہے،ذرائع نے بتایا کہ محکمہ صحت کی جانب سے تمام لیبارٹریوں کو تین دن میں پیتھالوجسٹ تعینات کرنے کی مہلت دے دی گئی ہے جس کے بعد غیر قانونی طور پر قائم لیباٹریوں کے خلاف کاروائی عمل میں لائی جائیگی۔