لندن (نیوز ڈیسک)چاکلیٹ کھانا کس کو پسند نہیں بچے، بڑے اور بوڑھے سب ہی اس کے دیوانے ہوتے ہیں لیکن اب سائنسدانوں نے ایک ایسی چاکلیٹ تیار کی ہے جسے کھانے سے انسان کی عمر بڑھنے کا عمل سست ہو جائے گا۔برطانیہ کی کیمبرج یونیورسٹی کے سائنسدانوں نے ایک ایسی چاکلیٹ تیار کی ہے جس کو کھانے کے بعد آپ کی عمر بڑھنے کا عمل نہ صرف کم ہو جائے گا بلکہ انسان کے چہرے پر پڑنے والی جھڑیاں بھی ختم ہو جائیں گی۔سائنسدانوں کا اس چاکلیٹ کے متعلق دعویٰ ہے کہ اس کے

استعمال سے انسان کے چہرے پر چھائی جھر یوں کا خاتمہ ہو جائے گا اور 50 سے60 سالہ انسان کی جلد 20 سالہ نوجوان شخص کی طرح تروتازہ اور توانا نظر آئے گی۔ سائنسدانوں کا کہنا ہے انہوں نے اس چاکلیٹ کا تجربہ 50 سے 60 سال کی عمر کے لوگوں پر کیا اور اس کے نتیجے پر پہنچے کہ ان کی جلد 20 سے 30 سال کی عمر کے افراد کی طرح جوان ہو گئی۔ اس چاکلیٹ کو استعمال کرنے والے افراد کا کہنا ہے کہ چاکلیٹ کے استعمال سے ان کی جلد پر بہتر اثرات مرتب ہوئے ہیں۔

موضوعات:چاکلیٹ