اسلام آباد(نیوزڈیسک)سنٹر فار ڈزیز کنٹرول اینڈ پریونیشن کا کہنا ہے کہ سالمونیلا بیکٹیریا سے متاثر ہونے والے لوگوں کی بڑی تعداد وہ ہے جنہوں نے گھروں میں جانور اور پرندے پال رکھے ہیں اور وہ ان کو گلے لگانے اور ان کے بوسے لینے سے بھی باز نہیں آتے۔پولٹری کے ساتھ قریبی جسمانی تعلق کو بیماری کی سب سے اہم وجوہات میں سے ایک قرار دیا جارہا ہے۔ اوکلاہوماڈیپارٹمنٹ آف دیگر کلچر کے ڈاکٹر راڈیال کا کہنا ہے کہ بہت سے مریضوں نے ان کے سامنے اعتراف کیا کہ وہ اپنے پالتو جانوروں سے قریبی جسمانی تعلق رکھتے تھے۔ ان کا کہنا تھا کہ بیماریوں سے محفوظ رہنے کیلئے جانوروں اور پرندوں سے مناسب فاصلہ رکھنا ضروری ہے، اور خصوصا مرغیوں اور دیگر پولٹری پرندوں کے فضلے یا انڈوں کو چھونے کے بعد ہاتھوں کی صفائی ضرور کریں، جبکہ اپنے بچوںکو بھی پالتو جانوروں اور پولٹری کے ساتھ زیادہ قریب نہ ہونے دیں۔