اسلام آباد (نیوزڈیسک )مچھروں سے دور رہنا اور بھی ضروری ہو گیا،سائنسدانو ں نے نئی خوفناک بیماری کے بارے میں کبردار کر دیامچھروں کو پہلے بھی کوئی پسند نہیں کرتا لیکن سائنسدانوں کا کہنا ہے کہ ایک حالیہ دریافت کے بعد ان کے لئے نفرت میں مزید اضافہ ہوجائے گا۔کیٹ فلی ٹائفس کے نام سے مشہور بیماری کے بارے میں سائنسدانوں کا کہنا ہے کہ یہ عالمی پیمانے پر انسانوں کے لئے ایک بڑا خطرہ بن سکتی ہے اور اس کے پھیلاﺅ میں مچھروں کے بنیادی کردار کا انکشاف ہوا ہے۔ اس بیماری کی وجہ ریکیٹسیا فیلس بیکٹیریا ہیں جو ابتدائی طور پر جسم میں بخار جیسی کیفیت پیدا کرتے ہیں لیکن وقت گزرنے کے ساتھ بیماری شدت اختیار کرجاتی ہے اور جان لیوا ثابت ہوسکتی ہے۔ تشویشناک بات یہ ہے کہ سائنسدانوں کے پاس اس بیماری کے بارے میں تاحال بہت کم معلومات ہیں اور اس کی تشخیص بھی خاصی مشکل سمجھتی جاتی ہے۔حالیہ تحقیق میں ریکیٹسیا فیلس بیکٹیریا سے متاثرہ چوہوں پر پلنے والے مچھروں کا مطالعہ کیا گیا تو معلوم ہوا کہ مچھر اس خطرناک بیکٹیریا کو انسانوں میں منتقل کرنے کا سبب بن رہے ہیں۔ ماہرین کا کہنا ہے کہ مچھر متعدد قسم کی بیماریوں کے جراثیم پھیلاتے ہیں لیکن کیٹ فلی ٹائفس کا مچھر کے ذریعے پھیلنا خصوصاً خطرناک ہے کیونکہ اس بیماری کی تشخیص اور علاج کے متعلق معلومات اور مہارت بہت کم پائی جاتی ہے، اور یہی امر اس بیماری کو مستقبل کا بڑا خطرہ بناسکتا ہے۔
مزید پڑھئے:ذہین بچے چاہیں تو حمل کے دوران ان غذاﺅں کااستعمال کریں
