حید ر آ باد 27 (نیوز ڈیسک) ریاست تلنگانہ میں یکم جنوری تا 25 مارچ سوائن فلو کے باعث مہلوکین کی تعداد 75 ہوگئی جبکہ یکم جنوری تا 25 مارچ سوائن فلو کے شبہ پر جملہ 7065 سوائن فلو کے متاثرین سے خون کے نمونے حاصل کئے گئے جن کے منجملہ 2208 نمونوں کے مثبت (سوائن فلو سے متاثرہ رہنے ) رپورٹس حاصل ہوئی۔ پرنسپال سکریٹری محکمہ صحت و طبابت نے اپنے ایک بیان میں یہ بات بتائی اور کہاکہ حکومت سوائن فلو سے متاثرہ افراد کو بہتر طبی سہولتیں فراہم کرنے کے اقدامات کررہی ہے اور ضلع ہیڈ کوارٹر ہاسپٹل ڈاکٹرس سے خواہش کی گئی کہ جو بھی سوائن فلو سے متاثرہ افراد ہاسپٹل سے رجوع ہوں تو انھیں فوری حیدرا?باد کے کسی ایک اہم دواخانہ کو منتقل کریں۔ بتایا گیا کہ گزشتہ دن یعنی 25 مارچ کو سوائن فلو کے متاثرین سے 60 خون کے نمونے حاصل کئے گئے تھے جن کے منجملہ 15 خون کے نمونوں کی مثبت رپورٹ وصول ہوئی ہے۔ پرنسپال سکریٹری محکمہ صحت و طبابت نے کہاکہ ایریا و ڈسٹرکٹ ہیڈکوارٹر ہاسپٹلس کے علاوہ شہر حیدرا?باد کے تمام اہم ترین دواخانوں بالخصوص عثمانیہ، گاندھی، کورنٹی اور نیلوفر ہاسپٹلس میں سوائن فلو سے نمٹنے و مو?ثر علاج کے لئے ادویات وافر مقدار میں دستیاب ہیں۔