اسلام آباد (مانیٹرنگ ڈیسک )ملک میں کاروباری ہفتے کے آخری روز سونے کی قیمت میں 600روپے کی کمی سامنے آئی ہے ۔ تفصیلات کے مطابق سندھ صراف ہ بازار جیولر ایسویسی ایشن نے بتایا ہے کہ کاروباری ہفتے کے آخری روز جمعہ کو سونے کی قیمت میں چھ سو روپےگر گئی ہے جس کے بعد فی تولہ قیمت ایک لاکھ بارہ ہزار آٹھ سو روپے تک آگئی ہے ۔ اسی طرح 10 گرام سونے کی
قیمت 514 روپے کم ہوکر 96 ہزار 708 روپے ہے۔واضح رہے کہ گزشتہ روز جمعرات کو مقامی صرافہ مارکیٹوں میں سونے کی فی تولہ قیمت 400روپے کے اضافے سے1لاکھ 13ہزار400روپے ہوگئی۔صراف اینڈ جیولرز ایسوسی ایشن کے مطابق عالمی مارکیٹ میں فی اونس سونے کی قیمت17ڈالرکے اضافے سے1870ڈالر ہوگئی جس کے زیر اثر مقامی صرافہ مارکیٹوں میں فی تولہ سونے کی قیمت400روپے کے اضافے سے1لاکھ 13ہزار400روپے اوردس گرام سونے کی قیمت 342روپے کے اضافے سے 97ہزار222روپے ہوگئی جب کہ چاندی کی فی تولہ قیمت 1300روپے مستحکم رہی۔دوسری جانب امریکی ڈالر مزید مہنگا ہو گیا ، اضافہ ریکارڈ ۔ تفصیلات کے مطابق رواں کاروباری ہفتے کے آخری روز ڈالر کی قیمت میں 13پیسے کا اضافہ سامنے آیا ہے ۔ سماجی رابطے کی ویب سائٹ ٹویٹر پر سٹیٹ بینک آف پاکستان نے اعدادو شمار جاری کیے ہیں جن کے مطابق انٹربینک میں روپے کے مقابلے میں ڈالر 13پیسے مہنگا ہوا جس کے بعد قیمت 160روپے 62پیسے سے بڑ ھ کر 160روپے 75پیسے ہو گئے ہیں ۔
