اسلام آباد۔۔۔۔اوگرا نے آئندہ ماہ کے لئے پیٹرولیم مصنوعات کی قیمتوں میں کمی کی سمری وزارت پیٹرولیم کو بھجوا دی ہے جس کی منظوری کی صورت میں پیٹرولیم مصنوعات 14 روپے 14 پیسے فی لیٹر تک سستی ہونے کا امکان ہے۔اوگرا کی جانب سے بھیجی گئی سمری میں ایچ او بی سی 14 روپے 14 پیسے فی لیٹر، مٹی کا تیل 11 روپے 26 پیسے، لائٹ ڈیزل آئل 10 روپے 48 پیسے، ڈیزل 7 روپے 86 پیسے جبکہ پیٹرول 6 روپے 25 پیسے فی لیٹر سستا کرنے کی تجویز دی گئی ہے۔واضح رہے کہ گزشتہ روز حکومت نے پیٹرولیم مصنوعات پر جی ایس ٹی کی شرح 17 فیصد سے بڑھا کر 22 فیصد کر دی ہے جس کی وجہ سے عوام کم از کم 5 سے 7 روپے فی لیٹر مزید سبسڈی سے محروم ہوگئے ہیں۔