کوئٹہ۔۔۔۔صوبہ بلوچستان کے دارالحکومت کوئٹہ میں مشرقی بائی پاس کے قریب سکیورٹی فورسز کی کارروائی میں کالعدم تنظیم کے اہم کمانڈر سمیت 14 مشتبہ دہشت گردوں کو گرفتار کرلیا گیا۔انٹیلی جنس ذرائع نے ڈان نیوز کو بتایا کہ سیکیورٹی فورسز نے پیر کو مشرقی بائی پاس کے علاقے میں کارروائی کی، جس کے دوران ایک اہم کمانڈر سمیت 14 مشتبہ دہشت گردوں کو گرفتار کیا گیا۔ذرائع نے دعویٰ کیا کہ گرفتار دہشت گردوں میں پولیو رضاکاروں پر حملے کا ماسٹر مائنڈ بھی شامل ہے۔یاد رہے کہ رواں برس 26 نومبر کو کوئٹہ کے مشرقی بائی پاس کے قریب نامعلوم مسلح ملزمان نے پولیو ٹیم کو نشانہ بنایا تھا، جس کے نتیجے میں تین خواتین سمیت 4 پولیورضاکار ہلاک ہوگئے تھے۔