سڈنی۔۔۔۔بگ بیش میں برطانوی ماہر شماریات اور ا سٹریلوی کرکٹ حکام کے درمیان ا نکھ مچولی کا سلسلہ جاری ہے۔حکام نے کریک ڈاؤن کرتے ہوئے ایک مرتبہ پھر برطانوی باشندے کو سڈنی تھنڈر اور سکسرز کے درمیان میچ کے موقع پر حراست میں لیا، اس سے قبل انھیں دیگردومیچزکے مواقع پر بھی گراؤنڈ سے باہر نکالا جاچکا ہے، راجیو ملچندانی پر حد سے تجاوزکرنے کا الزام عائدکیا، انھوں نے ایک مرتبہ پھر اے این زیڈ اسٹیڈیم میں داخل ہونے کی کوشش کی تھی، جہاں پر6 دن قبل ان کے داخلے پر پابندی عائدکی جاچکی تھی، اس سے قبل انھیں 19دسمبر کو بھی سڈنی سکسرز کے ابتدائی مقابلے میں بھی حکام نے میدان بدر کیا تھا۔جبکہ گذشتہ سیزن میں بھی دو میچز پر انھیں مشتبہ ہونے پر گراؤنڈ سے بے دخل کیا گیا تھا جب وہ کراؤڈ میں لیپ ٹاپ لیے بیٹھے تھے، ملچندانی پر پولیس اور کرکٹ اینٹی کرپشن ا?فیشلز کوسٹے بازی سے روابط کا شبہ ہے، وہ میچ کی معلومات ٹی وی نشریات کے درمیان وقفے سے فائدہ اٹھانے کیلیے باہر بھیج سکتے ہیں۔اگرچہ ان کاعمل جرم کے زمرے میں نہیں ا تا، تاہم ا ئی سی سی اور کرکٹ ا سٹریلیا نے غیرقانونی سٹے بازی کیخلاف سختی کررکھی ہے اور ہر مشتبہ شخص پر نظر رکھی جاتی ہے، ایسے افراد کو صرف میدان میں داخلے کے قواعد کی خلاف ورزی کے الزام میں میچز سے دور رکھا جاسکتا ہے، اس کیلیے ا سٹریلیا میں قوانین موجود نہیں ہیں، انھیں مشروط ضمانت پر رہائی مل گئی ہے تاہم وہ 20 جنوری کو بورووڈ کی مقامی عدالت میں پیش ہوں گے۔