پشاور۔۔۔۔دہشتگردوں نے وارسک روڈ پر قائم ا رمی سکول پر حملہ کر دیا ، فائرنگ سے 3 بچے جاں بحق ، اور دو ٹیچرز سمیت 28 زخمی ہوگئے۔ کالعدم تحریک طالبان نے حملے کی ذمہ داری قبول کر لی۔ پشاور میں وارسک روڈ پر قائم ا رمی سکول دہشتگردوں کا نشانہ بن گیا۔ ابتدائی اطلاعات کے بعد فوجی وردیوں میں ملبوس دہشتگرد سکول کے اندر داخل ہوئے جس کے بعد فائرنگ کا سلسلہ شروع ہوگیا جس میں 3 بچے جاں بحق جبکہ دو ٹیچروں سمیت 28 بچے زخمی ہوگئے۔کالعدم تحریک طالبان کے ترجمان نے حملے کی ذمہ داری قبول کرتے ہوئے بتایا کہ سکول میں چھ فدائی حملہ ا ور داخل ہوئے ہیں۔ حملے کے بعد سیکیورٹی فورسز نے علاقے کو گھیرے میں لے لیا اور سکول کے قریبی راستوں کو ہر قسم کی ٹریفک کے لیے بند کر دیا ہے۔ فوج نے سکول سے چار طالب علموں کو بازیاب کرا لیا ہے جس میں سے ایک طالب علم نے میڈیا سے گفتگو کرتے ہوئے کہا کہ چھ سے سات افراد کالی وردیوں میں ملبوس تھے اور کلاسوں میں داخل ہو کر فائرنگ کر رہے تھے جس کے بعد میں کلاس کے پیچھے چھپ گیا جب ا رمی والے ا ئے تو انھوں نے مجھے باہر نکالا۔ ۔