راولپنڈی: پاکستان نے درمیانے فاصلے تک مار کرنے والے بیلسٹک میزائل شاہین 2 کا کامیاب تجربہ کیا ہے۔آئی ایس پی آر کی جانب سے جاری بیان کے مطابق شاہین 2 میزائل ہر قسم کے ایٹمی اور روایتی وار ہیڈ کو لے جانے کی صلاحیت کا حامل میزائل ہے جو ایک ہزار 500 کلومیٹر تک اپنے ہدف کو باآسانی نشانہ بن سکتا ہے۔ میزائل کے تجربے کے دوران منصوبے سے منسلک ماہرین کے علاوہ ڈی جی اسٹریٹجک پلانز ڈویڑن لیفٹیننٹ جنرل زبیر محمود اور لیفٹیننٹ جنرل عبیداللہ خان بھی موجود تھے۔
صدر مملکت ممنون حسین اور وزیراعظم نواز شریف نیشاہین 2 میزائل کے کامیاب تجربے پر اس منصوبے سے منسلک ماہرین کو مبارکباد دیتے ہوئے اس عزم کا اظہار کیا ہے کہ ملک کے دفراع کو ناقابل تسخیر بنانے کے لئے کوئی کسر باقی نہیں رکھی جائے گی۔