لاہور۔۔۔…پاکستانی آف اسپنر سعید اجمل آج انگلینڈ میں اپنے بولنگ ایکشن کی آزادانہ ٹیسٹنگ کرائیں گے۔سعید اجمل کے بولنگ ایکشن پر امپائرز کا اعتراض اور آئی سی سی کی پابندی کے بعدا?ف اسپنر نے نیشنل کرکٹ اکیڈمی میں بھرپور ٹریننگ کی ،سابق آف اسپنر ثقلین مشتاق نے سعید اجمل کا بولنگ ایکشن درست کرنے میں اہم کردار ادا کیا۔سعید اجمل کا بولنگ ایکشن کتنا ٹھیک ہواہے ،ثقلین مشتاق کی محنت کا کیا نتیجہ نکلتا ہے،اس کا سب کو انتظار ہے جادوگر آف اسپنر آج انگلینڈکی Loughboroughیونیورسٹی میں اپنے بولنگ ایکشن کا معائنہ کرائیں گے۔یونی ورسٹی کی بائیو مکینکس رپورٹ 14 دن میں آجائے گی جس کے بعد پاکستان کرکٹ بورڈ سعید اجمل کے بولنگ ایکشن کو باضابطہ کلیئر کروانے کیلئے آئی سی سی کو Re Assesment کی درخواست دے گا۔ثقلین مشتاق پر امید ہیں کہ سعید اجمل ٹیسٹ کلئیر کرلیں گے