عمران اور قادری کو چھوٹ مل گئی ‘کارکنو ں اور باقی قیادت کا کیا ہو گا؟

اسلام آباد(                  ) وفاقی حکومت نے تحریک انصاف کے سربراہ عمران خان اور عوامی تحریک کے سربراہ ڈاکٹر طاہرالقادری کے علاوہ دیگر تمام قیادت کو مرحلہ وار گرفتار کرنے کیلئے حکمت عملی وضع کرنا شروع کردی۔ ”خبر رساں ادارے“ کو وزارت داخلہ کے ذرائع نے بتایا ہے کہ وفاقی حکومت نے دھرنے میں شامل دونوں جماعتوں کے مرکزی قائدین کی گرفتاری کی حکمت عملی وضع کرنا شروع کردی ہے۔ اسی حکمت کے تحت ہی اعظم سواتی کو گرفتار کیا گیاتاہم انہیں عدالت کے حکم پر ضمانت پر رہا رکیا گیا ہے جس کے باعث توقع ہے کہ اب مرحلہ وار باقی قیادت کو گرفتارکرتے ہوئے تمام قانونی تقاضے پورے کئے جائیں گے تاکہ وہ رہائی نہ پا سکیں۔ تحریک انصاف اور عوامی تحریک کی اسلام آباد کی مقامی قیادت کو گرفتار نہیں کیا جائے گا۔