دبئی (این این آئی) ژمہوش حیات اور بھارتی سپر سٹار سنجے دت کی ایک ساتھ سیلفی نے سوشل میڈیا پر دھوم مچا دی۔ مہوش نے یہ تصویر اپنے انسٹاگرام اکانٹ پر شیئر کی، جس نے پاکستان اور بھارت دونوں ممالک کے مداحوں کی توجہ حاصل کر لی۔
مہوش اور سنجے دت کی تصویر دیکھ کر شائقین نے دونوں کے کسی ممکنہ پروجیکٹ میں ساتھ کام کرنے کی چہ مگوئیاں شروع کر دی ہیں۔اس سے قبل، بھارتی اداکارہ کریتی سینن اور پاکستانی ماڈل و اداکارہ عروہ حسین نے دبئی میں نئے سال کا جشن مناتے ہوئے اپنی تصاویر شیئر کیں۔عروہ نے نیو ایئر کی شام پر سبز سیکوئن والی گان پہن کر شائقین کو متاثر کیا، جبکہ کریتی اور عروہ کی مشترکہ تصاویر نے انٹرنیٹ پر خاصی دھوم مچائی۔
