کراچی (این این آئی)پاکستان کے نامور اداکار بہروز سبزواری کو گورنر سندھ کامران ٹیسوری کے ساتھ ایک دلچسپ صورتحال کا سامنا کرنا پڑا ہے اور انہوں نے گورنر سندھ کے سامنے ہاتھ جوڑ دیئے۔ واقعہ ایک پریس بریفنگ کے دوران پیش آیا جہاں بہروز سبزواری نے ایک سوال پوچھا کہ جب کوئی بندہ بڑی کرپشن کرتا ہے تو وہ پیسے دے کر چھوٹ کیوں جاتا ہے۔

اس موقع پر کامران ٹیسوری نے کہا کہ آپ نے سوال کس سے پوچھا ہے اور انہیں لگا کہ وہ اس (گورنر) پر شک کررہے ہیں جس پر بہروز سبزواری نے کہا کہ انہوں نے نیب کے حکام سے یہ سوال پوچھا ہے اور ساتھ ہی انہوں نے ہاتھ جوڑ لیے۔ گورنر سندھ کامران ٹیسوری نے کہا کہ وہ اس کا جواب خود دینا چاہیں گے اور پھر انہوں نے بتایا کہ شریعت بھی اجازت دیتی ہے کہ مجرم اگر اپنے جرم پر ندامت محسوس کرے اور فراڈ کیا ہوا مال واپس کردے تو اسے نیا موقع بھی ملنا چاہئے۔