لندن(این این آئی)معروف بھارتی گلوکار کرن اوجلا نے مزاحیہ گلوکاری سے سوشل میڈیا پر شہرت پانے والے برطانوی پاکستانی گلوکار چاہت فتح علی خان کے سامنے ہاتھ جوڑ لیے۔تفصیلات کے مطابق چاہت فتح علی خان کی جانب سے حال ہی میں”توبہ توبہ”گانا ریلیز کیا گیا ہے۔ یہ گانا دراصل مقبول بالی وڈ گانے توبہ توبہ کی نقل ہے جو کہ معروف بھارتی گلوکار کرن اجولا نے گایا ہے۔
بالی وڈ میں یہ گانا وکی کوشل پر فلمایا گیا ہے جو کہ ان کے رقص کی وجہ سے انٹرنیٹ پر بہت مشہور ہوا۔ایک انسٹاگرام اکاؤنٹ پر چاہت فتح علی خان کے نئے گانے کی ویڈیو پوسٹ کی گئی تو اس پر بھارتی گلوکار کرن اجولا بھی ردعمل دئیے بغیر نہ رہ سکے۔کرن اجولا نے پوسٹ پر کمنٹ کرتے ہوئے لکھا کہ انکل نہ کرو پلیز اور ساتھ ہی گلوکار نے ہاتھ جوڑنے اور رونے کی ایموجی بھی شیئر کی۔کرن اجولا کی جانب سے کمنٹ کرنے پر پوسٹ وائرل ہوگئی اور بڑی تعداد میں صارفین نے کرن اجولا کے کمنٹ کو لائیک کیا اور پوسٹ پر تبصرے کیے۔
