لاہور ( ای ناین آئی) سیشن عدالت نے دھوکا دہی کے مقدمے میں اداکارہ نازش جہانگیر کی عبوری ضمانت خارج کر دی۔لاہور کی سیشن عدالت میں اداکارہ نازش جہانگیر کیخلاف فراڈ کے مقدمہ کی سماعت ہوئی۔اداکارہ نازش جہانگیر کے خلاف تھانہ ڈیفنس سی پولیس نے مقدمہ درج کر رکھا ہے۔
ایف آئی آر کے مطابق مدعی کا کہنا ہے کہ اداکارہ نازش جہانگیر نے 25لاکھ روپے اور گاڑی 2 ماہ کے لیے لی تھی۔2ماہ گزرنے کے بعد بھی اداکارہ نے 25لاکھ روپے واپس نہیں کیے اور نہ ہی گاڑی واپس کی۔عدالت نے نازش جہانگیر کی عبوری ضمانت عدم پیروی کی بنیاد پر خارج جبکہ شریک ملزم سکندر کی عبوری ضمانت میں اکتوبر کے پہلے ہفتے تک توسیع کردی۔
