ممبئی (این این آئی)اگرچہ ماضی کی مقبول بالی ووڈ فلم’ ’موہرا‘‘ کی ریلیز کو 25 برس ہوچکے ہیں، تاہم آج بھی اس فلم کے گانے مداحوں میں مقبول ہیں۔تاہم گذشتہ روز بھارتی ریاست مہارا شٹر کے دارالحکومت ممبئی میں موسم گرما کی ہونے والی پہلی بارش کے بعد کئی فلمی شخصیات اور لوگوں کو بارش پر بنے بولی وڈ گانے یاد آئے اور ہر کسی نے اپنی خوشی کا اظہار کیا۔جن شوبز شخصیات نے ممبئی میں بارش ہونے

کے بعد اپنے جذبات کا اظہار کیا، ان میں ماضی کی ’مست گرل‘ روینہ ٹنڈن بھی شامل تھیں۔ روینہ ٹنڈن نے ممبئی میں بارش ہونے کے بعد دیگر فلموں کے گانے شیئر کرنے کے بجائے اپنی ہی ماضی کی مقبول فلم ’موہرا‘ کا گانا ’ٹپ ٹپ برسا پانی‘ شیئر کیا۔روینہ ٹنڈن نے نہ صرف اپنی فلم کے مقبول گانے کو شیئر کیا بلکہ انہوں نے اسی گانے پر کچھ عرصہ قبل ٹی وی شو پر کی جانے والی اپنی شاندار پرفارمنس کی ویڈیو شیئر کی جو دیکھتے ہی دیکھتے وائرل ہوگئی۔روینہ ٹنڈن نے ممبئی میں بارش کے بعد ٹوئٹر پر ڈانس ریئلٹی شو ’سب سے بڑا کلاکار‘ میں کی جانے والی اپنی پرفارمنس کی ویڈیو شیئر کی۔روینہ ٹنڈن نے کچھ عرصہ قبل ہی ڈانس ریئلٹی شو میں اپنے ماضی کے مقبول گانے ’ٹپ ٹپ برسا پانی‘ پر پرفارمنس کی تھی، جسے کئی لوگوں نے سراہا تھا۔روینہ ٹنڈن کو 25 برس بعد بھی اپنے ماضی کے مقبول گانے پر ماضی کی طرح شاندار پرفارمنس کرتے دیکھ کر کئی لوگ حیران رہ گئے اور ان کی پرفارمنس کی تعریف کی۔اداکارہ کی جانب سے جاری کی گئی ویڈیو میں دیکھا جا سکتا ہے کہ پروگرام میں شریک اداکار رنبیر کپور، ارشد وارثی اور بومن ایرانی بھی روینہ ٹنڈن کی پرفارمنس کرکے حیران رہ گئے۔اداکارہ کی جانب سے گذشتہ روز شیئر کی گئی یہ ویڈیو دیکھتے ہی دیکھتے وائرل ہوگئی اور کئی لوگوں نے ان کی پرفارمنس کو سراہا۔خیال رہے کہ روینہ ٹنڈن نے اسی گانے ’ٹپ ٹپ برسا پانی‘ پر 1994 میں ریلیز ہونے والی ایکشن ڈرامہ فلم ’موہرا‘ میں اکشے کمار کے ساتھ شاندار پرفارمنس کی تھی۔روینہ ٹنڈن نے اسی فلم کے دیگر گانوں ’ تو چیز بڑی ہے مست مست‘ اور ’میں چیز بڑی ہوں مست‘ پر بھی شاندار پرفارمنس کرکے لوگوں کے دل جیتے تھے۔اداکارہ کو اسی فلم کے گانوں پر شاندار ڈانس کرنے کے بعد ہی ’مست گرل‘ کا نام دیا گیا تھا۔

موضوعات:روینہ ٹنڈن