نئی دہلی(این این آئی) بھارتی اداکارہ نرگس فخری اور اودے چوپڑا کے درمیان معاشقے کی افواہیں سرگرم تھیں اور گزشتہ چند سالوں میں دونوں کے علیحدہ ہونے کے بعد پھر سے اکٹھے ہونے اور حتیٰ کے شادی کر لینے تک کی خبریں بھی سامنے آئیں۔سال 2011 میں رنبیر کپور کیساتھ فلم راک سٹار سے اپنے بالی ووڈ کیرئیر کا آغاز کرنے والی نرگس فخری نے اب ایسا اعلان کردیا ہے کہ یہ تمام افواہیں دم توڑ گئی ہیں۔نرگس فخری نے تصدیق کی ہے کہ ہالی ووڈ میوزک پروڈیوسر اور ڈائریکٹر میٹ الونزو

کیساتھ ان کا معاشقہ چل رہا ہے۔ یہ دونوں اکتوبر 2017 سے ایک ساتھ ہیں اور لاس اینجلس میں رہائش پذیر تھے۔پیر کے روز انھوں نے اپنی ہتھیلی پر بنے نئے ٹیٹو کی تصویر اپ لوڈ کی جس میں ایم این لکھا ہے۔ دونوں کے قریبی ذرائع کا کہنا ہے کہ نرگس فخری یہ ٹیٹو بنوانے سے پہلے کافی نروس تھیں لیکن میٹ نے ان کی حوصلہ افزائی کی۔ٹیٹو بنوانے کے بعد دونوں ایک دوسرے کا ہاتھ پکڑے باہر نکلے اور بہت خوش دکھائی دے رہے ہیں کہ انہوں نے اپنی زندگی میں ایک اور اہم فیصلہ لے لیا ہے۔

موضوعات:نرگس فخری