کراچی(این این آئی)شہر قائد میں تیسرے روز 24 گھنٹوں کے دوران ہونے والے ای چالان 6 ہزار تک پہنچ گئے ہیں۔ٹریفک پولیس کی رپورٹ کے مطابق مجموعی طور پر 5 ہزار 979 شہریوں کے چالان کیے گئے ہیں، اور سب سے زیادہ چالان سیٹ بیلٹ کی خلاف ورزی پر کیے گئے۔سیٹ بیلٹ نہ باندھنے پر 3 ہزار 258 چالان کیے گئے، تیز رفتار ڈرائیونگ پر 655، اور بغیر ہیلمٹ موٹر سائیکل چلانے پر 1294 چالان کیے گئے، لال سگنل جمپ کرنے پر 357، ڈرائیونگ کے دوران موبائل فون استعمال کرنے پر 216 چالان کیے گئے۔

رپورٹ کے مطابق ون وے اسٹریٹ پر رانگ وے آنے پر 11 چالان ہوئے، مسافروں کو چھت پر بٹھانے پر 7، اسٹاپ لائن کی خلاف ورزی پر 10 چالان ہوئے، رانگ وے آنے پر 42 اور کالے شیشوں پر 26 چالان کیے گئے۔پہلے روز 6 گھنٹوں میں 2 ہزار 622، دوسرے روز 4 ہزار 301، اور تیسرے روز 5 ہزار 979 چالان ہوئے، اس طرح تین روز میں ہونے والے چالانوں کی تعداد 12 ہزار 942 تک جا پہنچی ہے۔