اسلام آباد (این این آئی)سیمنٹ ڈسٹری بیوشن انڈسٹری کی ہڑتال کے باعث سپلائی بند ہونے سے سیمنٹ بوری کی قیمت میں 300روپے تک اضافہ ہوگیا۔ تفصیلات کے مطابق نئے مالی سال میں ٹیکسز کے نفاذ کے بعد دیگر اشیا کی طرح سیمنٹ کی قیمتیں بھی بڑھ گئیں ہیں ،ٹیکس کیخلاف سیمنٹ ڈسٹربیوشن انڈسٹری کی ہڑتال کے باعث سیمنٹ بوری کی قیمت میں 300روپے تک اضافہ ہو گیاہے

جس کے بعد قیمت 1200سے بڑھ کر 1500روپے تک پہنچ گئی ہے ۔دوسری جانب بلڈنگ میٹریل، بجری ،ریت ،اینٹ اورسریا بھی مہنگا ہوگیا۔دکانداروں نے کہا ہے کہ سپلائی بند ہونے سے سیمنٹ کی قلت پیداہوگئی ہے ،ہڑتال کچھ دن اور رہی تو کاروبار پوری طرح بند ہو جائے گا۔ ڈیلرز، دکانداروں اور خریداروں نے مطالبہ ہے کہ حکومت عوام کوریلیف دینے کیلئے عملی اقدامات کرے ۔