اسلام آباد (این این آئی)اوگرا نے کہاہے کہ ایل پی جی مالیکیولز کا ملک میں وافر ذخیرہ موجود ہونے کا با وجود ایل پی جی کی قیمتوں میں اضافہ غیر قانونی ہے۔ ترجمان عمران غزنوی کے مطابق ایل پی جی کی قیمتوں میں مصنوعی اضافے کی بنیادی وجہ ایل پی جی گیس کی غیر قانونی ذخیرہ اندوزی ہے۔

انہوں نے کہاکہ چند بددیانت عناصر مصنوعی قلت پیدا کر کے صارفین تک ایل پی جی کی رسائی مشکل بنا رہے جسکے نتیجے میں زائد قیمت وصول کی جا رہی۔انہوںنے کہاکہ اوگرا نے مصنوعی قلت کے حوالے سے صوبائی چیف سیکرٹریز کو بھی آگاہ کر دیا ۔ انہوںنے کہاکہ مقامی حکومتیں، صارفین تک مقررہ قیمتوں پر ایل پی جی کی فراہمی کے لئے ہر ممکن اقدامات کریں ۔ انہوںنے کہاکہ اوگرا کی انفورسمنٹ ٹیمیں پہلے ہی ملک میں مناسب اسٹاک کی موجودگی اور مقرر ہ قیمتوں کے اطلاق کے لئے فیلڈ میں مصروف عمل ہیں۔