اسلام آباد (این این آئی)اوگرانے ایل این جی کی قیمت میں 1.21ڈالر فی ایم ایم بی ٹی یو تک کمی کردی۔تفصیلات کے مطابق اوگرا نے جنوری کیلئے ایل این جی کی قیمت جاری کردی ہے ،سوئی ناردرن سسٹم پر جنوری میں ایل این جی 1.13ڈالر فی ایم ایم بی ٹی یو سستی کی گئی ہے جبکہ سوئی سدرن سسٹم پر جنوری میں ایل این جی 1.21ڈالر فی ایم ایم بی ٹی یو سستی ہوئی ہے۔

اوگرا نے کہا ہے کہ ایل این جی کی قیمت میں کمی دسمبرکی قیمتوں کے مقابلے میں کم ہوئی ہیں۔سوئی ناردرن سسٹم پر ایل این جی کی نئی قیمت 13.68ڈالر فی ایم ایم بی ٹی یو مقرر کی گئی ہے جبکہ سوئی سدرن سسٹم پر ایل این جی کی قیمت 14.24ڈالرفی ایم ایم بی ٹی یو مقرر کی گئی ہے۔