لاہور( این این آئی)اسٹیٹ بینک آف پاکستان کے مطابق سال 2023ء کے دوران ملکی تبادلہ مارکیٹوں میں روپے کے مقابلے میں امریکی ڈالر کی قدر میں مجموعی طور پر 55روپے سے زائد کا اضافہ ریکارڈ کیا گیا۔

تفصیلات کے مطابق ملکی تبادلہ منڈیوں میں سال کے آخری ماہ روپے کے مقابلے میں ڈالر کی بے قدر ی کا رجحان رہا رہا تاہم مجموعی طور پر 2023ء کے دوران ڈالر کی قیمت میں 55روپے 43پیسے اضافہ ہوا۔اسٹیٹ بینک کے مطابق 30دسمبر 2022ء کو انٹربینک میں ڈالر226.43روپے تھا، 2023ء کے دوران ڈالر کی قیمت میں 55روپے 43پیسے اضافہ ہوا۔خیال رہے کہ سال 2023ء کے آخری کاروباری روز میں انٹر بینک میں روپے کے مقابلے میں ڈالر کی قیمت میں 7 پیسے کمی آئی۔