ریا ض(این این آئی)سعودی عرب کی کان کن کمپنی معادن کو مکہ مکرمہ کے علاقے میں سونے کے نئے ذخائر مل گئے۔عرب میڈیا کے مطابق اس حوالے سے کمپنی نے اپنے بیان میں کہا کہ اس نے موجودہ منصورہ مسارہ سونے کی کان کے جنوب میں سونے کے متعدد ذخائر دریافت کیے ہیں۔کمپنی کے مطابق لیے گئے نمونوں نے اعلی درجے کے سونے کے ذخائر کی موجودگی کی نشاندہی کی ہے۔
معادن کمپنی نے اپنے بیان میں کہا کہ یہ دریافت اس علاقے میں سونے کی کان کنی کو وسعت دینے کے امکانات کی نشاندہی کرتی ہے۔کمپنی کے دستاویزات کے مطابق اس دریافت پر اگلے سال کام شروع ہونے کا امکان ہے۔
