لاہور( این این آئی)سوزوکی موٹرز نے پاکستان میں کلٹس کا 2023 کا نیا ماڈل متعارف کرادیا جس میں نئی خصوصیات کے ساتھ دلکش ڈیزائن بھی شامل ہے۔سوزوکی موٹرز کے پاکستان میں کلٹس کے 2023 ماڈل میں ڈبل ایس آر ایس ایئر بیگس موجود ہیں، جو ڈرائیور اور مسافروں دونوں کی حفاظت کو یقینی بناتے ہیں ،سوزوکی کلٹس 2023 تین الگ الگ ویرینٹس میں دستیاب ہے۔

سوزوکی کلٹس وی ایکس آر کی قیمت 37 لاکھ 18 ہزار روپے رکھی گئی ہے۔سوزوکی کلٹس کے دوسرے ویرینٹ وی ایکس ایل خوبصورت رنگ، آرام دہ اور جدید فیچرز کے ساتھ 40 لاکھ 84 ہزار روپے میں دستیاب ہوگی۔سوزوکی کلٹس آٹو گیئر شفٹ کی قیمت 43 لاکھ 66 ہزار روپے رکھی گئی ہے یہ ماڈل آٹومیٹک ٹرانسمیشن کے مجموعے کے ساتھ کلٹس کا نیا شاہکار ہے۔