کراچی(این این آئی)کراچی کے صرافہ بازار میں سونے کی قیمتوں کے حوالے سے ہنگامی اجلاس ہوا جس میں بلین کے نمائندوں سمیت صرافہ ایسوسی ایشن کے عہدیداران شریک ہوئے۔اجلاس میں سونے کی قیمتوں کے تعین کے حوالے سے اہم فیصلے کیے گئے۔حاجی ہارون چاند نے بڑا اعلان کرتے ہوئے کہا کہ آج سے انٹر بینک کے ساتھ منسلک کرکے ریٹ جاری کریں گے۔

صرافہ ایسوسی ایشن کے مطابق اسرائیل فلسطین جنگ کے باعث پیرکوعالمی طور پر سونے کی قیمتوں میں اضافہ ہوا۔ترجمان نے بتایاکہ جنگ کے باعث پیرکومقامی طور پر صرافہ بازار میں سونا دستیاب نہیں تھا۔سونے کی قیمت کے حوالے سے ترجمان نے بتایا کہ پیرکو مقامی صرافہ بازار میں فی تولہ سونا 1 لاکھ 95 ہزار 5 سو روپے کا ہوگیا۔ترجمان کے مطابق مارکیٹ میں سونا گزشتہ ہفتے کم ہو کر 1 لاکھ 88 ہزار کا ہوگیا تھا۔