اسلام آباد (این این آئی)پیٹرولیم مصنوعات کی قیمتوں میں اضافے کے ساتھ اشیائے خوردونوش سمیت سبزی اور پھلوں کی قیمتیں آسمان کو چھونے لگیں،بڑھتی مہنگائی کی وجہ سے شہریوں کیلئے دو وقت کی روٹی بھی مشکل ہوگئی ہے، عوام نے حکومت سے فوری ریلف فراہم کرنے کا مطالبہ کر دیا ۔پیٹرولیم مصنوعات کی قیمتوں میں اضافے کے باعث مہنگائی بے قابو ہوگئی، قیمتیں آسمان چھونے لگیں، شہری دو وقت کی روٹی کیلئے ترسنے لگے۔

رپورٹ کے مطابق اشیائے خوردونوش دالیں، چینی، چاول، گھی سمیت سبزی آوروں پھلوں کی قیمتوں کو پر لگ گئے،اتوار سستے بازار میں آلو 470، پیاز 440 روپے پانچ کلو کے حساب سے فروخت ہونے لگا ، ادرک ایک ہزار ، لہسن پانچ سو ، ٹماٹر 70 ، لوکی 120 ، ٹینڈا 170 ،بیگن 120 ، کریلا 90، شملہ 220 روپے فی کلو خریدنے پر شہری مجبور ہوگئے ،پھلوں میں سیب 160، انار 230، آم 190،آلو بخارہ 340، خوبانی 230، انگور 305 روپے کلو جبکہ کیلا 160 روپے درجن کے حساب سے فروخت ہونے لگا ۔ شہریوں نے کہاکہ مہنگائی اسقدر بڑھ چکی ہے کہ آمدن سے دو گنا زیادہ گھر لیے ، غریب کا جینا محال ہوگیا ہے،گوشت تو دور کی بات سبزی بھی پہنچ سے دور ہوگئی ۔

شہریوں نے حکومت سے مطالبہ کیا کہ مہنگائی کنٹرول کرنے اور متوسط طبقے کو ریلف فراہم کرنے کیلئے فوری اقدامات کریں