اسلام آباد (این این آئی)ملک کے مختلف شہروں میں چینی کی قیمتیں آسمان پر پہنچ گئیں ،چینی کی فی کلو قیمت 170 روپے سے تجاوز کر گئی۔ دستاویز کے مطابق کوئٹہ میں چینی فی کلو 172 روپے میں دستیاب رہی ،کراچی میں فی کلو چینی کی قیمت 170 روپے تک جا پہنچی ۔دستاویز کے مطابق اسلام آباد میں چینی کی فی کلو قیمت 165 روپے فروخت ہوتی رہی ،پشاور میں ایک کلو چینی 165 روپے میں دستیاب رہی ،سیالکوٹ میں 1 کلو چینی 160 روپے کی ہو گئی۔ دستاویز کے مطابق راولپنڈی میں بھی فی کلو چینی 160 روپے کی ہو گئی ،لاہور میں فی کلو چینی کی قیمت 160 روپے فروخت ہوئی ۔