اسلام آباد(این این آئی)آئل اینڈ گیس ریگولیٹری اتھارٹی (اوگرا)نے شیخوپورہ میں ریموٹ کنٹرول کے ذریعے50فیصد کم پیٹرول ڈالنے والے 2پیٹرول پمپ سیل کردئیے۔ پولیس کی جانب سے دھوکہ دہی میں ملوث 6افراد کو حراست میں بھی لے لیا گیا ۔ترجمان اوگرا کے مطابق شیخوپورہ میں ضلعی انتظامیہ کے اشتراک سے کم پیٹرول ڈ النے والے پمپوں کے خلاف کارروائی شروع کی گئی تو 2پیٹرول پمپوں پر ڈسپنسر میں نصب ڈیجیٹل آلات پکڑے گئے۔ترجمان اوگرا کے مطابق ان پمپوں پر ریموٹ کنٹرول کے ذریعے 50فیصد کم پیٹرول بھرا جاتا تھا۔اوگرا اور ضلعی انتظامیہ نے ریموٹ کنٹرول آلات ضبط کرکے 6افراد کو پولیس کے حوالے کردیا ۔