لاہور( این این آئی)اسٹیٹ بینک آف پاکستان کے اعلان کے مطابق بینکس اور مالیاتی ادارے آج پیر کے روز بند رہیں گے ۔نئے سال کے پہلے روز تمام بینک،ڈی ایف آئیز ،ایم ایف بیز عوام سے لین دین کیلئے بندرہتے ہیں تاہم یکم جنوری 2022 کوہفتہ اور اس کے ساتھ 2جنوری کواتوار کی معمول کی تعطیلات کے باعث آج 3جنوری پیر کے روزتمام بینک اورمالیاتی اداروں کوعوام سے لین دینے کے لئے
بند رکھنے کا اعلان کیا گیا ہے ۔بینکوں اور مالیاتی اداروں کا عملہ معمول کے مطابق ڈیوٹی پر آکر اپنے صارفین کے ششماہی کھاتوں کی رپورٹ مرتب کرے گا تاہم عوامی لین دین نہیں ہوگا۔بینکس اورمالیاتی ادارے تین روز کی تعطیلات کے بعد کل ( منگل ) کے روز کھلیں گے۔یادرہے کہ یکم رمضان ، مالی سال کے پہلے روز یعنی یکم جولائی کو بھی اسٹیٹ بینک کی ہدایت پر تمام بینکس اور مالیاتی بند رہتے ہیں۔
