اسلام آباد (این این آئی)پٹرولیم مصنوعات کی سمگلنگ سے ایک سال میں 240 ارب روپے سے زائد کا نقصان کا انکشا ف ہوا ۔ دستاویز کے مطابق سمگل شدہ پٹرولیم مصنوعات ایران سے زمینی راستے سمگل کیاجاتاہے، ایران سے تیل 50 ہزار لٹر کے آئل ٹینکرزکے ذریعے سمگل کیاجاتاہے۔ دستاویز کے مطابق پٹرولیم مصنوعات کی سمگلنگ میں حکومتی ادارے ملوث ہیں، پٹرول کی نسبت ڈیزل کی زیادہ مقدار سمگل کی

جاتی ہے ۔ دستاویز کے مطابق سندھ میں 41 کوئٹہ میں 32 فلنگ سٹیشنز کے پاس ڈیزل خریداری کا ریکارڈ ہی نہیں ،ان پٹرول پمپس نے چھ لاکھ لٹر پٹرول کی خریداری کی ۔ دستاویز کے مطابق 2019-20 میں 2 کروڑ 79 لاکھ لٹر سے زائد سمگل شدہ پٹرول قبضے میں لیاگیا،ایک سال میں 99 کروڑ 50 لاکھ لٹر سے زائد ڈیزل قبضے میں لیاگیا ، قبضے میں لیاگیا پٹرول ڈیزل سمگل ہونیوالی مقدار کا 20 فیصد ہے ۔