اسلام آباد (این این آئی)نیپراکی طرف سے کہا گیا ہے کہ سینٹرل پاور پرچیزنگ ایجنسی نے بجلی 1 روپیہ 52 پیسے مہنگی کرنے کی درخواست کی ہے ۔نیپر ا کے مطابق د رخواست اکتوبر اور نومبر کی فیول ایڈجسٹمنٹ کی مد میں دی گئی۔
درخواست میں کہا گیا ہے کہ نومبرکیلئے بجلی کی قیمت میں 95 پیسے فی یونٹ اضافہ کیا جائے۔اکتوبرکیلئے بھی بجلی 57 پیسے فی یونٹ مہنگی کرنے کی درخواست کی گئی ۔نیپرا کے مطابق دونوں درخواستوں پر سماعت 30 دسمبر کو اسلام آباد میں ہوگی۔
