اسلام آباد،لاہور(مانیٹرنگ ڈیسک،این این آئی) مرغی کے ساتھ ساتھ انڈوں کی قیمتوں کو بھی پر لگ گئے ۔نجی ٹی وی کے مطابق مرغی اور انڈوں کی قیمتوں میں ایک ہفتے کے دوران 20 سے 30 روپے کا اضافہ ہوچکا ہے،پشاور میں زندہ مرغی کی فی کلو گرام قیمت 200 روپے سے بڑھ کر 221 روپے پر پہنچ گئی جبکہ انڈے فی درجن 190 روپےسے 230 روپے میں

فروخت ہو رہے ہیں۔کوئٹہ میں مرغی کا گوشت 325 روپے فی کلو فروخت کیا جا رہا ہے جبکہ کراچی میں مرغی کا گوشت 350 سے 400 روپے فی کلو تک فروخت ہو رہا ہے۔ لاہورمیں پرچون سطح پر برائلر گوشت کی قیمت 302روپے، زندہ برائلر مرغی 208روپے فی کلوجبکہ فارمی انڈوں کی قیمت مزید ایک روپے اضافے سے198روپے فی کلو رہی۔

موضوعات:انڈے مرغی