اسلام آباد(مانیٹرنگ ڈیسک) حکومت نے نئی گاڑیوں کی فروخت پر 2لاکھ روپے تک کے اضافی ود ہولڈنگ ٹیکس کی منظوری دے دی۔ موقر قومی اخبار کی رپورٹ کے مطابق ود ہولڈنگ ٹیکس میں اضافے کا مقصد ملک سے ’اون پے منٹ‘ کے نظام کی حوصلہ شکنی کرنا ہے۔وزارت صنعت و پیداوار کا کہنا ہے کہ اس نظام کے تحت خریدار کو گاڑی کی قیمت سے اضافی

پیسے ڈیلر کو دے کر گاڑی بک کروانا ہوتی ہے جس سے گاڑی وقت سے پہلے ڈیلیور کر دی جاتی ہے۔ انہوں نے کہا کہ اضافی ود ہولڈنگ ٹیکسنافذ ہونے کے بعد اب کوئی بھی خریدار مقامی سطح پر تیار ہونے والی گاڑی خرید کر اسے نوے دن کے اندر فروخت نہیں کر سکے گا اور جوآدمی ایسا کرے گا اسے 2لاکھ روپے تک اضافی ود ہولڈنگ ٹیکس دینا پڑے گا۔