لاہور( این این آئی)آئی جی ریلوے کی ہدایات پرملک بھر کے ریلوے اسٹیشنوں پر سکیورٹی کوہائی الرٹ کر دیا گیا، لاہور ریلوے اسٹیشن میں سکیورٹی انتظامات کے پیش نظر اضافی نفری تعینات کردی گئی۔آئی جی ریلوے کی ہدایت پر ملک بھر کے ریلوے اسٹیشنوں کے داخلی اور
خارجی راستوں پر ریلوے پولیس کے کمانڈوز کو تعینات کردیا گیا ہے جبکہ ٹرینوں میں بھی گشت میں اضافہ کر دیا گیا ہے۔سکیورٹی انتظامات کے حوالے سے اے آئی جی ایڈمن پاکستان ریلوے پولیس ملک محمد عتیق نے ریلوے اسٹیشن لاہور پر شو آف فورس کیا اور سکیورٹی انتظامات کا جائزہ بھی لیا۔
