اسلام آباد (مانیٹرنگ ڈیسک )گزشتہ ہفتے ڈالر کی چڑھتی قیمت نے پاکستانی روپے کی قدرو قیمت کو کاری ضرب لگائی ہے ۔ تفصیلات کے مطابق پاکستان میں ڈالر کی قیمت تنزلی کے بعدایک بار پھر تیزی کیساتھ بڑھنا شروع ہو چکی ہے جس کی بڑی وجہ مالیت کی ادائیگیوں اوردرآمدی شعبوں کی طلب بڑھنے سے گزشتہ ہفتے ڈالر کی قیمت رک گئی تھی ۔
زرمبادلہ کی مارکیٹوں میں گزشتہ ہفتے امریکی ڈالر کے مقابلے میں پاکستانی روپیہ تنزلی کا شکار رہا۔ انٹر بینک میں ڈالر کی قیمت 3 ہفتوں کی بلند ترین سطح پہنچ گئی ہے ۔گزشتہ کاروباری ہفتے کے دوران ڈالر کی قیمت میں انٹر بینک میں 160جبکہ کے اوپن مارکیٹ میں 161ہو گئی ہے ۔ ماہرین کی جانب سے یہ بیان سامنے آیا ہے کہ کرونا ویکسینز کے کامیاب تجربوں اور عالمی مارکیٹ میںکاروباری سرگرمیوں میں بحالی کا اشارہ ملنے کے بعد ڈالر کی مانگ میں اضافہ دیکھنے کو آرہا ہے ۔ حکومت کی جانب سے کوویڈ ادویات کی درآمدات کو امپورٹ ڈیوٹی فری کرنے کے اعلان سے مستقبل میں ڈالر کی قدر بڑھنے کی افواہیں بھی زیرگردش رہیں۔گزشتہ ہفتے امریکی ڈالر ، برطانوی پائونڈ ، یورو کی قیمتوں میں اضافہ دیکھنے کو آیا ہے ۔ انٹربینک میں ڈالر کی قدر 2.56 روپے بڑھ کر 160روپے 72پیسے پر بند ہوئی جبکہ اوپن کرنسی مارکیٹ میں بھی ڈالر کی قدر2اعشاریہ 90پیسے کے اضافے سے161 روپے پر بند ہوئی۔انٹربینک مارکیٹ میں یوروکرنسی کی قدر بڑھ کر 190.79 روپے پرآگئی جبکہ اوپن مارکیٹ میں یوروکرنسی کی قدر 6 روپے بڑھ کر 191 روپے ہوگئی۔ انٹربینک میں برطانوی پاونڈ کی قدر5.11 روپے بڑھ کر 213.21 روپے ہوگئی جب کہ اوپن مارکیٹ میں برطانوی پاؤنڈ کی قدر 6 روپے بڑھ کر 213 روپے تک پہنچ گئی ہے
