کراچی (مانیٹرنگ ڈیسک )انٹر بینک مارکیٹ میں ڈالرکی قیمت میں کمی جبکہ پاکستان میں قیمتوں میں مثبت رحجان ۔ تفصیلات کے مطابق کاروباری دن کے آخری روز انٹر بینک میں ڈالر کی قیمت میں21پیسے کمی دیکھنے میں آئی ہے جس کے بعد ڈالر 165 روپے
75 پیسے پر ٹریڈہو رہا ہے ۔ گزشتہ روز انٹر بینک میں پاکستانی روپے کے مقابلے میں امریکی ڈالر کی قدر مزید 10پیسے کی کمی سے 166روپے ہوگئی جب کہ اوپن مارکیٹ میں ڈالر کی قدر مستحکم رہی۔فاریکس ایسوسی ایشن آف پاکستان کے مطابق جمعرات کو انٹر بینک میں روپے کے مقابلے ڈالر کی قدر میں 10پیسے کی کمی ہوئی جس سے ڈالر کی قیمت خرید166.10روپے سے گھٹ کر166روپے اور قیمت فروخت166.30روپے سے گھٹ کر166.20روپے ہوگئی جب کہ مقامی اوپن کرنسی مارکیٹ میں ڈالر کی قیمت خرید166روپے اور قیمت فروخت166.30روپے مستحکم رہی۔دیگر کرنسیوں میں یورو کی قدر میں 50پیسے کی کمی واقع ہوئی جس سے یورو کی قیمت خرید193.50روپے سے گھٹ کر193روپے اور قیمت فروخت195.50روپے سے گھٹ کر195روپے ہوگئی جب کہ برطانوی پونڈ کی قیمت خرید211روپے اور قیمت فروخت213روپے مستحکم رہی۔
