لاہور(این این آئی)فلور ملوں نے 20کلوآٹے کے تھیلے کی قیمت میں مزید 50روپے اضافہ کر دیا گیا جس سے پرچون سطح پر قیمت 925روپے سے بڑھ کر 975روپے ہو گئی ۔لاہورآٹا ڈیلرزایسوسی ایشن کے صدر حاجی یوسف نے تصدیق کرتے ہوئے کہا کہ مارکیٹ میں ایک من گندم کی قیمت 1800روپے تک پہنچ چکی ہے جس کے باعث فلور ملوں نے 20 کلوآٹے کے تھیلے کی قیمت

میں 50روپے اضافہ کر دیا ہے ۔حالیہ دنوںمیںمجموعی طو رپر 20 کلو کے آٹے کے تھیلے کی قیمت میں 170روپے اضافے سے 805روپے سے بڑھ کر 975روپے ہو چکی ہے ۔ علاوہ ازیں84کلو میدہ فائن کی بوری کی قیمت 300روپے اضافے سے 4400روپے سے بڑھ کر 4700روپے جبکہ 50کلو سوجھی کی بوری کی قیمت 200روپے اضافے سے 2650روپے سے بڑھ کر 2850روپے ہو گئی ۔